الى قناة العراقيين الشرقية

بالزنجيلي يوم 13رمضان
يشرقيه ابنج اصابع جرم غدرنه
اكول الله كفيلج وانسي كل الراح
ماضي انتهى ومتفيدج الونه
مكتوبه على كصته ابنج شهيد يروح
وبدم الشهيد اتحني بي حنه
وابيض لبسي اسود بالج تلبسين
لان دومه السواد لحزن علمنه
عودتي الفرح يوميه بينه يهيم
اشو هسه معتكفه معاشره الونه
ولدج صدك راحو بس فلا ينسوج
ووافوج بورد مزروع بالجنه
يشرقيه انتي اسمج علم من ينكال
واذا ماشاله راسي عيوني شالنه
شلون الورده تنكر يوم فضل الماي
واذا ننكر افضالج هاي مو منه
وصدك من كال بيج انتي اليد البيضاء
بيها الحمل شلتي العني والعنه
ماخليتي بصره ولا صلاح الدين
نسيتي حتى نفسج صرتي بس النه
ياشمعة حقيقه وابد ما يطفوج
لو بالدم نضحي وياج حتى احنه
ياشمعة حقيقه وابد ما يطفوج
لو بالدم نضحي وياج حتى احنه

» كذب من قال ان الشرقية عنصرية لفئة معينة بل ان ان الشرقية حلت محل حكومتنا حاليا وعلى الراس الشرقية
» برامج الشرقية في رمضان